| Sf. Gutt

Hundrað mörk Mohamed Salah


Mohamed Salah skoraði í síðasta mánuði, í 2:2 jafntefli gegn Everton, sitt 100. mark fyrir Liverpool. Mörkin 100 hefur hann skorað í aðeins 159 leikjum. Einungis tveir leikmenn, Roger Hunt og Jack Parkinson, í sögu Liverpool hafa verið sneggri að ná 100 mörkum. Hér að neðan er listinn yfir þá tíu leikmenn sem hafa verið fljótastir að ná 100 mörkum fyrir Liverpool.



Roger Hunt 144 leikir.
Jack Parkinson 153 leikir. 
Mohamed Salah 159 leikir.
Robbie Fowler 165 leikir. 
Sam Reybould 165 leikir. 
Ian Rush 166 leikir.
Gordon Hodgson 170 leikir.
Michael Owen 184 leikir. 
Harry Chambers 186 leikir. 
Kenny Dalglish 241 leikur.



Mohamed opnaði markareikning sinn fyrir Liverpool strax í sínum fyrsta leik. Það var 12. ágúst 2017 í 3:3 jafntefli á útivelli á móti Watford. Mark númer 50 kom á móti Red Star Belgrade 24. október 2018 í leik sem Liverpool vann 4:0 á Anfield. Hann náði svo 100. markinu á móti Everton í 2:2 jafntefli á Goodison Park 17. október 2020. 



Mörkin 100 skoraði Mohamed svona. Með vinstri fæti skoraði hann 79. Hægri fóturinn skilaði 17 mörkum og fjórum sinnum notaði hann höfuðið!


Eins og fyrr segir þá skoraði Mohamed mörkin 100 í 159 leikjum. Að auki lagði hann upp 41 mark í þessum leikjum. Magnað svo ekki sé meira sagt. 


Mohamed er 17. leikmaðurinn í sögu Liverpool til að ná því að skora 100 mörk. Steven Gerrard var næstur á undan Mohamed til að komast upp í 100 mörk. Hann náði því árið 2008. Hér að neðan eru 17 markahæstu leikmenn í sögu Liverpool. 


1 Ian Rush          346
2 Roger Hunt  285
3 Gordon Hodgson 241
4 Billy Liddell  228
5 Steven Gerrard  186
6 Robbie Fowler  183
7 Kenny Dalglish  172
8 Michael Owen  158
9 Harry Chambers  151
10 Sam Raybould  130
11 Jack Parkinson  128
12 Dick Forshaw  123
13 Ian St John  118
14 Jack Balmer  110
15 John Barnes  108
16 Mohamed Salah  100
17 Kevin Keegan  100



Það verður áhugavert að sjá hversu hátt Mohamed nær á þessum lista. Ef hann helst heill gæti hann komist upp fjögur, fimm sæti á þessari leiktíð. 


TIL BAKA
Nýlegar fréttir
Fleiri fréttir
Fréttageymslan