Marko Grujic lánaður

Marko Grujic var til sölu á mánudaginn en seldist ekki. Í gærkvöldi var hann lánaður til Portúgals. Hann mun spila út þetta keppnistímabil með Portúgalsmeisturum Porto. 


Marko var lánsmaður hjá Hertha Berlin síðustu tvær leiktíðir. Þýsk lið höfðu áhuga á honum og Werder Bremen vildi kaupa hann en hafði ekki efni á kaupverðinu sem Liverpool setti upp. Marko er búinn að spila tvo leiki á keppnistímabilinu og skora eitt mark. Serbinn spilaði mjög vel í Deildarbikarleikjunum á móti Lincoln City og Arsenal.