Landsleikjafréttir

Hollendingar og Skotar spiluðu í Þjóðadeildinni í gærkvöldi og þeir Gini Wijnaldum, Virgil van Dijk og Andy Robertson spiluðu allir.

Andy Robertson var að sjálfsögðu fyrirliði sinna manna sem mættu Tékkum á útivelli í B-deildinni, riðli 2. Skotar sigruðu 1-2 og vann Robertson vítaspyrnu sem Skotar nýttu og tryggði þeim sigurinn.

Skotar eru á toppnum í sínum riðli eftir tvo leiki.

Aðra sögu er að segja af Hollendingum en Wijnaldum og van Dijk spiluðu einnig allan leikinn gegn Ítölum í Amsterdam. Ítalir sigruðu 0-1 og eru á toppnum í riðli 1 í A-deildinni, Hollendingar sitja í öðru sæti.

Það er þó fyrir öllu að þeir þrír komust óskaddaðir frá leikjunum og ættu því að vera klárir í slaginn um helgina þegar okkar menn taka á móti nýliðum Leeds United á Anfield.