Kostas Tsimikas til Liverpool?

Margir af traustustu fjölmiðlum Englands, svo sem Liverpool Echo og BBC, flytja fréttir þess efnis að Liverpool ætli að kaupa Kostas Tsimikas. Hann er ungur Grikki sem spilar með  Olympiacos. 

Hugmyndin er að Kostas Tsimikas komi inn í liðshópinn til að leysa Andrew Robertson af þegar á þarf að halda. Liverpool hafði áhuga á að kaupa Jamal Lewis frá Norwich City. Samningar náðust ekki um verð og nú virðist úr sögunni að Norður Írinn komi til Liverpool. 

Kostas virðist góður kostur og hermt er að Liverpool borgi um 11 milljónir sterlingspunda fyrir hann ef samningar nást. Hann er 24. ára gamall og hefur leikið með yngri landsliðum Grikklands og þrjá landsleiki með aðallandsliðinu. Hann varð Grikklandsmeistari á síðustu leiktíð með Olympiacos.