Nýr aðalbúningur

Við höfum beðið með eftirvæntingu eftir því að fá að sjá nýja Nike aðalbúning félagsins og nú er biðinni lokið.



Blágræni liturinn í kraga og á ermum kemur kannski svolítið á óvart en hann hefur þó verið samofinn sögu félagsins allt frá stofnun þess. Liturinn tengist einnig sögu borgarinnar sjálfrar en litatónninn er sýnilegur á hinum fræga Liver Bird sem situr á toppi hinnar frægu Liver byggingar í borginni.

Aðalbúningurinn fer formlega í sölu þann 6. ágúst næstkomandi en hægt er að forpanta í netverslun félagsins á https://store.liverpoolfc.com/. Að sjálfsögðu verður hægt að bæta við gullmerkjum sem sýna fram á Úrvalsdeildartitilinn sem og merki Heimsmeistara félagsliða.

Virgil van Dijk hafði þetta að segja um nýja búninginn: ,,Ég hef verið hluti af Nike fjölskyldunni í nokkurn tíma og hef átt mjög gott samstarf við þá. Ég þekki vel gæðin sem liggja að baki hönnunar og nýsköpunar við vinnu á búning sem þessum. Það verður mjög sérstakt að labba inn á völlinn á næsta tímabili í þessum búning sem Englandsmeistarar."