Mohamed kominn í 100

Mohamed Salah gerir það ekki endasleppt. Hann er nú kominn upp í 100 ef lögð eru saman deildarmörk sem hann hefur skorað og stoðsendingar. Þessari tölu hefur hann náð í 104 leikjum. 



Mohamed hefur skorað 73 mörk fyrir Liverpool og þegar 27 stoðsendingum er bætt við er útkoman 100. Mohamed er fjórði leikmaður Liverpool til að komast yfir 100 í þessum efnum frá því farið var að telja þessi atriði og leggja saman. Steven Gerrard komst upp í 212, Robbie Fowler náði 158 og Michael Owen 148. 

Mohamed náði þessari skemmtilegu tölu í sumar og er nú kominn yfir 100!