Æfingar í litlum hópum á morgun

Lið í ensku úrvalsdeildinni mega hefa æfingar í litlum hópum síðdegis á morgun, samkvæmt yfirlýsingum sem liðin sendur frá sér í dag. Þetta er fyrsta skrefið í þá átt að hefja tímabilið á ný, en keppni hefur legið niðri síðan 13. mars vegna Covid 19 faraldursins.

Hingað til hafa leikmenn þurft að æfa einir, en nú mega þær æfa í minni hópum þar sem fjarlægðarmörk eru virt. Líkamleg snerting er ekki leyfð á æfingum enn sem komið er. 

Í yfirlýsingunni kemur fram að þessi niðurstaða hafi verið fengin af höfðu samráð við leikmenn, framkvæmdastjóra, lækna liðanna, óháða sérfræðinga og ríkisstjórnina. Hlýða þarf ýtrust ábendingum lækna til að tryggja öryggi leikmanna á æfingum. Þá kemur einnig fram að æfingar færist skref fyrir skref í hefðbundið form. Náið samráð verði haft þegar tilmæli verða sett saman um hvernig standa eigi að æfingum með snertingum.

Þó að skrefið sé í raun lítið er það býsna stórt í þá átt að hefja á ný keppni í ensku úrvalsdeildinni. Í enskum fjölmiðlum hefur komið fram að unnið sé eftir áætlun sem geri ráð fyrir að keppni hefjist um miðjan júní. Nú er að sjá hvort það standist.