Keppni má hefjast í næsta mánuði!

Breska rík­is­stjórn­in til­kynnti í dag að keppni í íþrótt­um á hæsta stigi gæti haf­ist á ný í landinu frá næstu mánaðamótum. Þar með talin er keppni í ensku Úrvalsdeildinni.

Þetta eru svo sem engar stórfréttir því búið var að útiloka móthahald í maí fyrir nokkru. Þessi tilkynning er þó enn frekari staðfesting á því að reynt verði með öllum ráðum að ljúka keppnistímabilinu 2019/20.


Reyndar var stærsta frétt dagsins á þessum vettvangi sú að Enska knattspyrnusambandið lýsti því yfir að keppni á keppnistímabilinu yrði ekki aflýst eða ógild. Hingað til hefur knattspyrnusambandið ekki opinberlega tekið af allan vafa um þetta mikilvæga atriði þó svo að allur vilji oft verið ítrekaður um þetta. Meistarar verða þar með krýndir og lið munu færast upp og niður milli deilda.