Sadio efstur á blaði

Vefsíða Sky sport stóð fyrir könnun á því hver væri besti leikmaður deildarinnar það sem af er leiktíðar. Liverpool átti tvo bestu mennina!

Sadio Mané er besti maður deildarinnar samkvæmt könnuninni. Hann hlaut 33% atkvæða. Annar í kjörinu var Jordan Henderson og fékk hann 31%. Kevin de Bruyne  leikmaður Manchester City var í þriðja sæti en 20% lesenda vefsíðu Sky töldu Belgann besta leikmann deildarinnar.   


Þó þarna sé aðeins um óformlega könnun að ræða á einni vefsíðu þá gefa niðurstöðurnar ákveðna mynd af hvaða leikmenn hafa skarað framúr á leiktíðinni. Sadio Mané hefur verið frábær það sem af er keppnistímabilsins. Hann er búinn að skora 20 mörk og eiga þátt í mörgum fleiri.