Tveir lánsmenn meiddir

Tveir af lánsmönnum Liverpool sneru heim áður en hlé var gert á knattspyrnu. Báðir komu til baka eftir að hafa meiðst hjá liðunum sem þeir voru í láni hjá. 


Herbie Kane var lánaður til Hull City og var búinn að standa sig býsna vel. Hann meiddist á ökkla og er úr leik til vors. Kannski kemst hann aftur í gang ef leiktíðin dregst fram á sumar. Herbie var í láni hjá Doncaster Rovers á síðustu sparktíð. Hann hefur leikið tvo leiki með aðalliði Liverpool. 


Isaac David Christie-Davies meiddist líka á ökkla og þurfti að fara í aðgerð. Hann var lánaður til belgíska liðsins Cercle Brugge í janúar en var aldrei búinn að spila fyrir liðið áður en hann meiddist. Ekki er gott að segja hvenær hann kemst aftur af stað.

Þó svo að meiðsli Herbie og Isaac hafi komið á versta tíma þá gætu þeir náð einhverjum leikjum í vor eða sumar eftir því hversu lengi leiktíðin dregst á langin. Það skýrist!