Verðmætasta lið í Evrópu!

Samkvæmt útreikningum CIES er Liverpool verðmætasta lið í Evrópu. Liverpool er því ekki bara Evrópumeistari heldur líka verðmætasta lið álfunnar!

CIES Football Observatory er greiningarstofnun sem leggur mat á alls konar málefni tengd knattspyrnu.Í mati stofunarinnar var lagt mat á verðmæti 20 leikmanna í hverju liði. Í matinu var tekið tillit til aldurs leikmanna, lengd samnings hjá félaginu og fleiri atriðum. Eftir þessa útreikninga kemur út að liðshópur Liverpool er metinn á 213 milljarða íslenskra króna. Manchester City kemur næst á eftir Liverpool á listanum. Liðshópur þrefaldra meistara Englands er talinn 205 milljarða virði. Í þriðja sæti kemur Barcelona. Spænsku meistararnir eru með liðshóp upp á 177 milljarða króna.

Nokkra athygli hlýtur að vekja að Liverpool er talsvert verðmætara lið en Manchester City. Margir leikmanna City voru jú keyptir á mun hærri fjárhæðir en þeir sem eru í liðshópi Liverpool. Hér að neðan er listi tíu verðmætustu liða Evrópu.