Af lokunum og festunum

Í gær gaf Liverpool Football Club út nokkrar tilkynningar um ýmislegt sem tengist pestinni. Í fyrsta lagi verður verslunum Liverpool í Liverpool borg, Bretlandi og Írska lýðveldinu lokað. Þær verða lokaðar til 4. apríl. Vefverslun félagsins er opin.

Í annan stað þá hefur veitingastöðum á Anfield verið lokað. Eins hefur verið lokað fyrir skoðunarferðir um Anfield og safnið sem þar er. 

Í þriðja lagi hefur öllu félagsstarfi sem góðgerðarsamtök Liverpool Football Club, LFC Foundation, stendur fyrir verið frestað. Starfið sem LFC Foundation stendur fyrir er fjölbreytt í samfélaginu í kringum Anfield og víðar í borginni. 


Þann 15. apríl átti síðasta minningarathöfnin vegna harmleiksins á Hillsborough að vera haldin. Athöfninni hefur verið frestað um óákveðinn tíma.