Nýtt met!

Þegar flautað var til leiksloka í leik Liverpool og Bournemouth í dag var nýtt met í efstu deild á Englandi staðfest! Sigur Liverpool á Bournemouth, 2:1, var 22. deildarsigur Liverpool í röð á Anfield Road. Frá því Liverpool gerði 1:1 jafntefli við Leicester City á Anfield 30. janúar í fyrra hefur liðið unnið 22 deildarleiki á heimavelli í röð. Svo skemmtilega vill til að fyrsti sigurinn í þessari miklu sigurgöngu var einmitt 3:0 sigur á  Bournemouth 9. febrúar fyrir rúmu ári. Í þessum 22 leikjum hefur Liverpool skorað 63 mörk og fengið á sig 15. Virgil van Dijk er eini leikmaðurinn sem hefur verið í byrjunarliðinu í öllum leikjunum. 

Liverpool átti líka gamla metið sem var 21 leikur. Sú sigurhrina var á valdatíma Bill Shankly og náði frá 29. janúar til 30. desember 1972. Hér að neðan eru fimm lengstu sigurgöngur liða í efstu deild á Englandi frá upphafi vega.