Nýtt met!

Það hafa mörg ný met verið sett hjá Liverpool síðustu mánuði og reyndar síðustu tvö árin ef út í það er farið. Liverpool setti nýtt met í sigrinum á Manchester United!

Metið var staðfest um leið og skalli Virgil van Dijk þandi út netmöskvana. Liverpool hafði þá skoraði í fyrstu 22 deildarleikjum sínum á leiktíðinni. Það hafði ekki gerst áður í efstu deild í sögu Liverpool að liðið hafi skorað í svo mörgum leikjum frá upphafi leiktíðar. 

Þess má geta að Liverpoool hefur nú skorað í 31 deildarleik í röð. Er þá farið aftur á síðustu leiktíð og leikir á henni lagðir við leiki þessarar.


Sigurinn á Manchester United var númer 150 á valdatíð Jürgen Klopp. Hann er búinn að stýra Liverpool í 244 leikjum í öllum keppnum frá því hann tók við Brendan Rodgers haustið 2015.