| HI

Liverpool tilnefnt til tvennra íþróttaverðlauna

Tilkynnt var um tilnefningar til Laureus-íþróttaverðlaunanna fyrir síðasta ár, sem ná yfir allar íþróttagreinar. Liverpool-liðið, sem átti frábært ár í fyrra, er tilnefnt til tveggja verðlauna, sem eru einu ensku fótboltatilnefningarnar þetta árið. 

Liverpool er annars vegar tilnefnt sem lið ársins. Önnur lið sem eru tilnefnd eru hið þýska Mercedes-lið í mótorhjólakappakstri, landslið Suður-Afríku í rúgbí, karlalandslið Spánar í körfubolta, lið Toronto Raptors í NBA-deildinni í körfubolta og kvennalandslið Bandaríkjanna í fótbolta.



Þá er Liverpool-liðið einnig tilnefnt fyrir endurkomu ársins, og er þá að sjálfsögðu vísað til þess þegar liðið vann upp þriggja marka forskot í seinni leiknum gegn Barcelona í átta liða úrslitum meistaradeildarinnar. Meðal annarra sem eru tilnefndir eru tennisleikarinn Andy Murray.

Hér má sjá listann yfir tilnefningar. Verðlaunin verða afhent í Berlín 17. febrúar.
TIL BAKA
Nýlegar fréttir
Fleiri fréttir
Fréttageymslan