Phillips fer aftur til Stuttgart

Það var stutt endurkoma hjá Nathaniel Phillips. Hann var kallaður úr láni frá Stuttgart í byrjun mánaðarins vegna mikilla meiðsla í vörn liðsins en nú hefur verið samið um að hann snúi aftur til Stuttgart, sem leikur í næstefstu deild í Þýskalandi.

Phillips lék einn leik með aðalliðinu í þessari endurkomu sinni - sigurinn frækna á Everton í FA-bikarnum. Hann lék allan leikinn og stóð sig með prýði eins og allt liðið í þeim leik.

Phillips lék ellefu leiki með Stuttgart í vetur áður en hann kom til Liverpool og mun nú klára tímabilið þar.