Trent og Klopp menn desembermánaðar

Trent Alexander-Arnold var í dag útnefndur leikmaður desembermánaðar í ensku úrvalsdeildinni. Jurgen Klopp var valinn framkvæmdastjóri mánaðarins.

Trent Alexander-Arnold skoraði eitt mark og var með þrjár stoðsendingar í desember, auk þess sem hann var í vörninni sem hélt fjórum sinnum hreinu í ensku úrvalsdeildinni þennan mánuð. Sadio Mane fékk þessa viðurkenningu fyrir nóvember og verður hún því um kyrrt á Melwood. Aðrir sem voru tilnefndir voru Emiliano Buendia (Norwich City), Dominic Calvert-Lewin (Everton), Kevin De Bruyne (Manchester City), Ben Foster (Watford), Danny Ings (Southampton), Adama Traore (Wolverhampton Wanderers) og Jamie Vardy (Leicester City).

Klopp fékk viðurkenninguna í fjórða sinn á þessu tímabili. Fimm leikir unnust í mánuðinum og forskotið í deildinni jókst. Hinir sem voru tilnefndir voru Nigel Pearson hjá Watford og Ole Gunnar Solskjær hjá Manchester United.

Og þá er bara að halda þessum viðurkenningum áfram á Melwood.