Fabinho og Lovren að ná sér

Fabinho og Dejan Lovren, sem hafa átt við meiðsli að stríða undanfarnar vikur, byrja að æfa á fullu í næstu viku. Þeir gætu mögulega náð leiknum gegn Manchester United eftir rúma viku. Jurgen Klopp staðfesti þetta á blaðamannafundi í morgun. 

Þá kom jafnframt fram að Xerdan Shaqiri sé farinn að æfa á fullu en hann hefur átt í smávægilegum meiðslum aftan í læri.

Joel Matip er á batavegi af hnémeiðslum sem hafa verið að hrjá hann í töluverðan tíma. Hann tók þátt í fyrsta hluta æfingarinnar í gær en er ekki orðinn nógu góður til að æfa á fullu. 

Hins vegar verða hvorki Nabi Keita né James Milner með í leiknum gegn Tottenham á morgun. Þeir glíma báðir við vöðvameiðsl og er óvíst hvenær þeir verða orðnir heilir.

Klopp nefndi einnig að Nathaniel Clyne, sem hefur verið meiddur allt tímabili, sé á góðu róli, en þó er enn nokkuð í að hann verði leikhæfur.