Dregið í FA bikarnum

Í kvöld var dregið til 4. umferðar FA bikarsins. Liverpool fær útileik en ekki er ljóst gegn hverjum. Liverpool mætir sem sagt annað hvort Bristol City eða Shrewsbury Town. Þau lið skildu jöfn 1:1 í Bristol í 3. umferð um helgina og þurfa að spila aftur. 

Bristol er í næst efstu deild en Shrewsbury í þeirri þriðju. Það verður erfitt að spila þennan útileik hvar sem hann verður en ungliðar Liverpool sýndu það um helgina gegn Everton að þeir eru til alls líklegir. Vonandi kemst Liverpool eitthvað áleiðis í FA bikarnum á þessari leiktíð en liðið hefur fallið úr leik alltof snemma síðustu árin og ekki unnið keppnina frá því 2006.