Roberto stefnir á fleiri titla!

Roberto Firmino er orðinn einn leikreyndasti leikmaður Liverpool. Hann segist hafa tekið miklum framförum frá því hann kom til Liverpool og ætlar sér að vinna fleiri titla með félaginu. 

,,Mér finnst að ég hafi tekið miklum framförum á öllum sviðum. Ég hef bætt mig líkamlega, tæknilega og andlega. En ég ætla ekki að láta staðar numið. Ég stefni á að bæta mig ennþá meira. Ég hef sett mér háleit markmið. Stefnan er að halda áfram að vinna stóra titla hjá þessu félagi. Flóknara er það ekki."


Roberto kom til Liverpool sumarið 2015 og lék fyrst undir stjórn Brendan Rodgers. Hann fór þó fyrst að láta verulega til sín taka eftir að Jürgen Klopp tók við sem framkvæmdastjóri Liverpool. 

,,Ég þreytist aldrei á að hrósa Klopp. Hann hefur svo margt gott til að bara innan vallar sem utan. Hann hjálpar okkur á hverjum einasta degi og við lærum margt af honum á allan hátt. Hann nær að hafa allt liðið með sér.


Liðsfélagar Roberto Firmino kunna vel að meta hæfileika hans. Virgil van Dijk segir hann besta leikmann sem hann hefur spilað með á ferlinum. Hollendingurinn segist mjög ánægður með að þurfa ekki að spila á móti honum.  

,,Roberto Firmino er besti leikmaður sem ég hef spilað með. Hann er mjög mikilvægur fyrir okkur. Ég veit alveg hversu erfitt það er fyrir miðverði þegar framherjar draga sig til baka á völlinn. Sem miðvörður þá vill maður ekki láta teyma sig neitt úr stöðu. Hann gerir öllum miðvörðum í heimi erfitt fyrir. Hann er alveg rosalega góður og ég er mjög ánægður yfir því að hann er með mér í liði."