Fleiri viðurkenningar

Það hafa margar viðurkenningar ratað til Liverpool á árinu. Þrír fulltrúar Liverpool fengu viðurkenningar í kjöri sem greint var frá á dögunum.

Í nokkur ár hafa verið veitt verðlaun fyrir árangur í knattspyrnu á norðvestur svæði Englands. Liverpool borg tilheyrir því svæði og það sama má segja um Bolton, Burnley, Preston, Manchester og fleiri borgir. Kjörið skiptist í nokkra flokka. 

Jürgen Klopp var kjörinn Framkvæmdastjóri ársins 2019 og Virgil van Dijk Leikmaður ársins í Úrvalsdeildinni. Trent Alexander-Arnold var valinn efnilegastur annað árið í röð.  

Þess má geta að Moahmed Salah var kjörinn besti leikmaður ársins í Úrvaldsdeildinni fyrir árið 2018. Þá fékk Alex Oxlade-Chamberlain viðurkenningu fyrir Fallegasta markið en markið skoraði hann á móti Manchester City. 

Sem fyrr segir hefur þetta kjör farið fram í nokkur ár. Þó verðlaunin teljist ekki til stórtitla þá er alltaf gaman þegar viðurkenningar falla fulltrúum Liverpool í skaut.