| Sf. Gutt

Landsleikjafréttir

Það gekk misjafnlega hjá fulltrúum Liverpool í fyrri hluta landsleikjahrotunnar. Einn skoraði.

Jordan Henderson spilaði allan leikinn þegar Englendingar töpuðu 2:1 fyrir Tékkum. Trent Alexander-Gordon og Joe Gomez voru á bekknum allan leikinn.  

Virgil van Dijk og Georginio Wijnaldum voru báðir í liði Hollands sem vann Norður Írland 3:1. Gestirnir komust yfir en Hollendingar sneru leiknum sér í vil undir lokin með þremur mörkum. 

Dejan Lovren var í liði Króata sem unnu Ungverja 3:0.

Andrew Robertson og félagar í skoska landsliðinu fengu skell í Moskvu. Rússar unnu 4:0. Útséð er um að Skotar komist áfram í keppninni. 

Divock Origi var á varamannabekknum þegar Belgar rótburstuðu San Marínó 9:0. Belgar eru komnir í úrslitakeppnina. 

Suður Ameríkumeistarar Brasilíu mættu Senegal í vináttuleik. Roberto Firmino kom Brasilíu yfir en Famara Diedhiou jafnaði úr víti sem var dæmt eftir að brotið var á Sadio Mané. Fabinho Tavarez var á bekknum allan tímann. 

Caoimhin Kelleher var í marki undir 21. árs liðs Íra sem gerðu markalaust jafntefli við Ítali. 

Rhian Brewster kom inn á sem varamaður í sama aldursflokki þegar England gerði 2:2 jafntefli við Slóvakíu.  

TIL BAKA
Nýlegar fréttir
Fleiri fréttir
Fréttageymslan