Niðurröðun leikja

Búið er að raða niður leikjum Liverpool í riðlakeppni Meistaradeildarinnar. Þá var einnig staðfest leikdagsetning á deildarbikarleik við MK Dons.

Okkar menn eru í E-riðli og hefja leik gegn Napoli á útivelli þriðjudaginn 17. september. Leikurinn hefst klukkan 19:00 að íslenskum tíma.

Keppni lýkur í riðlinum þriðjudaginn 10. nóvember á útileik gegn Red Bull Salzburg en flautað verður til leiks klukkan 17:55 að íslenskum tíma.

Aðrir leikir í riðlinum eru sem hér segir:

Miðvikudaginn 2. október: Liverpool - Red Bull Salzburg (kl. 19:00).

Miðvikudaginn 23. október: Genk - Liverpool (kl. 19:00).

Þriðjudaginn 5. nóvember: Liverpool - Genk (kl. 20:00).

Miðvikudaginn 27. nóvember: Liverpool - Napoli (kl. 20:00).

Mótherji Liverpool í 3. umferð enska deildarbikarsins, Carabao Cup, er Milton Keynes Dons sem spila í League One. Leikurinn fer fram á Stadium MK miðvikudaginn 25. september og hefst klukkan 18:45. MK Dons eru sem stendur í 15. sæti deildarinnar með sex stig eftir fjóra leiki.

Að lokum er svo vert að minnast á það að útileikur við Manchester United sem fara átti fram laugardaginn 19. október hefur verið færður yfir á sunnudaginn 20. október og verður flautað til leiks klukkan 15:30.