Paul Glatzel illa meiddur

Ungliðinn Paul Glatzel varð fyrir miklu áfalli í sínum fyrsta leik með aðalliði Liverpool á móti Tranmere á fimmtudaginn. Hann kom inn á í hálfleik en varð að fara af velli þegar rúmar tíu mínútur voru eftir eftir að hafa meiðst á hné. Ekki hefur verið gefið upp hvers eðlis meiðslin eru en næsta víst er að Paul verður lengi frá.

Paul var lykilmaður í sigurliði Liverpool í Unglingabikarkeppninni og varð markahæstur í keppninni með átta mörk. Hann raðaði inn mörkum á leiktíðinni fyrir undir 18 ára liðið, fékk samning við Liverpool og þykir einn efnilegasti leikmaður félagsins. Paul er fæddur í Liverpool en hefur leikið með yngri landsliðum Þýskalands því foreldrar hans eru þýskir. Reyndar hefur hann líka leikið fyrir yngri lið Englands en hann hfur tvöfalt ríkisfang. 

Voanndi nær Paul sér að fullu. En tíminn leiðir það í ljós.