Xherdan Shaqiri er meiddur

Xherdan Shaqiri er frá vegna meiðsla í bili. Hann meiddist með svissneska landsliðinu fyrr í sumar og getur ekki byrjað að æfa alveg strax. 

Xherdan meiddist á kálfa í landsleik Englands og Sviss í Þjóðadeildinni. Meiðslin eru ekki talin mjög alvarleg og vonast er til að hann nái að hefja æfingar áður en undirbúningstímabilinu lýkur. 

Einhverjir töldu að hann myndi kannski fara í sumar vegna þess að hann spilaði ekki mikið á seinni hluta leiktíðarinnar. Ekki er þó reiknað með öðru en að Svisslendingurinn verði áfram hjá Liverpool.