Sepp kominn til Liverpool

Hollenski ungliðinn Sepp van der Berg er orðinn leikmaður Evrópumeistara Liverpool. Tilkynnt var í dag að Sepp hafi gert samning við Liverpool. Hollenski strákurinn er aðeins 17 ára og kemur frá PEC Zwolle. Samkæmt frétt BBC borgaði Liverpool Zwolle 1,3 milljónir sterlingspunda en upphæðin gæti farið upp í 4,4 milljónir ef ákveðin ákvæði koma til framkvæmda. 

Sepp er miðvörður og talinn einn sá efnilegasti í sinni stöðu í Hollandi og þótt víðar væri leitað. Nokkur af stærri félögum Evrópu höfðu hug á að næla í Sepp en hann valdi Liverpool sem næsta áfangastað á ferli sínum. 

Sepp mun örugglega til að byrja með spila með varaliði Liverpool. Það má þó ljóst vera að hann er talinn framtíðarleikmaður í aðalliðinu.