Stórbikar Evrópu

Eftir frækinn sigur okkar manna í Meistaradeildinni er ljóst að liðið mun leika um Stórbikar Evrópu. Mótherjinn verður sigurvegari Evrópudeildarinnar, Chelsea.



Leikurinn fer fram þann 14. ágúst og verður leikinn í Istanbúl og vekur það auðvitað upp góðar minningar frá árinu 2005 þó svo að leikvangurinn sé reyndar ekki sá sami nú. Að þessu sinni verður leikið á Besiktas Park sem er jú eins og nafnið gefur til kynna heimavöllur Besiktas en þar er Loris Karius á láni.

Þetta verður í fyrsta sinn síðan árið 2005 sem okkar menn leika um þennan bikar en þá vannst sigur á CSKA Moskvu 3-1 í Mónakó.

Mótherjinn er, eins og áður sagði, Chelsea sem sigruðu Arsenal 4-1 í úrslitaleik Evrópudeildarinnar.