| Sf. Gutt

Undirbúningur hafinn

Undirbúningur Liverpool undir úrslitaleikinn um Evrópubikarinn hófst í dag þegar leikmenn mættu til æfinga á Marbella á Miðjarðarhafsströnd Spánar. Jürgen Klopp hefur áður farið með liðið sitt á þessar slóðir til æfinga. 

Jürgen Klopp og ráðgjafar hans völdu 26 leikmenn til æfinga fyrir úrslitaleikinn. Æfingabúðirnar standa yfir í sex daga. Leikmenn fengu frí eftir síðustu umferð deildarinnar og hafa notið hvíldarinnar hér og þar um heiminn. 

Æfingahópurinn er skipaður eftirtöldum leikmönnum. Alexander-Arnold, Alisson, Brewster, Fabinho, Firmino, Gomez, Henderson, Jones, Keita, Kelleher, Lallana, Lovren, Mane, Matip, Mignolet, Milner, Moreno, Origi, Oxlade-Chamberlain, Robertson, Salah, Shaqiri, Sturridge, Van Dijk, Wijnaldum og Woodburn.

Athygli vekur að Naby Keita er í hópnum. Hann meiddist á nára í fyrri leik Liverpool og Barcelona í undanúrslitunum og var reiknað með að hann væri kominn í sumarfrí.

Tilkynnt var í dag að liðum sé nú leyfilegt að velja 12 varamenn í úrslitaleiki á Evrópumótum. Síðustu ár hefur mátt hafa sjö varamenn. 

Hér eru myndir af Liverpoolfc.com sem voru teknar á Mabella í dag. 





 
TIL BAKA
Nýlegar fréttir
Fleiri fréttir
Fréttageymslan