Stoðsendingar í röðum!

Óhætt er að segja að þeir Trent Alexander-Arnold og Andrew Robertson hafi átt stoðsendingar í röðum á leiktíðinni. Trent setti svo nýtt met í stoðsendingum varnarmanns í Úrvalsdeildinni!



Trent lagði upp 12 mörk í Úrvalsdeildinni og er það nýtt met hjá varnarmanni. Andrew var honum skammt að baki með 11 stoðsendingar sem er jafnt gamla metinu. Þeir félagar lögðu því upp 23 af 89 deildarmörkum Liverpool sem er alveg magnað. Þetta er í fyrsta sinn sem varnarmenn eins liðs leggja upp fleiri en tíu deildarmörk á sömu leiktíðinni. 

Hér að neðan er listinn yfir flestar stoðsendingar í Úrvalsdeildinni frá því hún var stofnuð. Kannski eiga einhverjir varnarmenn fleiri stoðsendingar í efstu deild en sem fyrr segir þá nær þessi listi yfir Úrvalsdeildina. 

Í heild er Trent kominn með 16 stoðsendingar á leiktíðinni en hann er búinn að leggja upp fjögur mörk í Meistaradeildinni. Eins og allir muna lagði hann upp tvö mörk þegar Liverpool vann Barcelona 4:0 á dögunum. Andrew hefur lagt upp tvö mörk í Meistaradeildinni. Þeir hafa vonandi ekki lagt upp sín síðustu mörk í Meistaradeildinni á þessu keppnistímabili!