| Sf. Gutt

Hlýjar móttökur!



Í síðasta deildarleik Liverpool fyrir frestun deildarinnar, þegar Bournemouth kom í heimsókn á Anfield, kom Dominic Solanke inn á sem varamaður. Hann fékk hlýjar móttökur og það sama gilti á síðasta keppnistímabili þegar hann kom inn á í leik liðanna á sama stað. Stuðningsmenn Liverpool stóðu á fætur og klöppuðu fyrir Dominic og hann kunni vel að meta móttökurnar.  

Dominic hefur ekki náð sér á strik hjá Bournemouth eftir að hann fór þangað frá Liverpool í byrjun síðasta árs. Dominic taldi sig hafa haft gott af dvölinni hjá Liverpool en þar var hann tvær leiktíðir. Hann sendi Liverpool til dæmis fallega kveðju á Twitter þegar hann yfirgaf félagið. 


,,Mig langaði bara til að þakka @LFC innilega fyrir síðustu tvær leiktíðir. Ég hef lært margt sem mun nýtast mér í náinni framtíð! Mér var tekið opnum örmum af öllu starfsfólkinu, stuðningsmönnunum og leikmönnum og ég er fullur þakklætis. Ég óska ykkur alls hins besta á þessari leiktíð og um ókomna tíð??. #YNWA"


Dominic lék 27 leiki með Liverpool og skoraði eitt mark. Hann hóf ferilinn hjá Chelsea en lék aðeins einn leik fyrir félagið. Hann lék eina leiktíð, 2015/16, sem lánsmaður hjá Vitesse í Hollandi. Hann hefur leikið með öllum yngri landsliðum Englands og einn aðallandsleik. Dominic var valinn maður mótsins þegar England vann HM undir 17 ára árið 2017. Enn sem komið er hefur ekki náð eins langt og þá var talið. 

TIL BAKA
Nýlegar fréttir
Fleiri fréttir
Fréttageymslan