| Heimir Eyvindarson

Henderson meiddist með landsliðinu

Þau eru að verða þreytandi þessi blessuðu landsleikjahlé. Í morgun var Jordan Henderson sendur heim úr herbúðum enska landsliðsins vegna meiðsla. 

Gareth Southgate sendi Henderson heim í morgun, en hann varð fyrir einhverju hnjaski í leik Englands og Bandaríkjanna á fimmtudaginn, sem hann hefur ekki náð að hrista af sér. Hann verður því ekki með Englendingum þegar þeir mæta Króatíu í dag. Henderson er nú kominn á Melwood þar sem læknalið Liverpool skoðar fyrirliðann nánar. 

Þetta eru svekkjandi fréttir, þótt flest bendi reyndar til þess að meiðslin séu léttvæg, því Henderson hefur verið talsvert frá í vetur vegna meiðsla. Hann kom inn á í seinni hálfleik gegn Fulham í síðasta leik eftir að hafa verið frá í þrjár vikur og allt í allt hefur hann einungis verið með í sex leikjum það sem af er leiktíðar.


 

 
TIL BAKA
Nýlegar fréttir
Fleiri fréttir
Fréttageymslan