Góðar fréttir af Lallana

Adam Lallana meiddist á æfingu með enska landsliðinu og dró sig út úr landsliðshópnum. Hann verður sem betur fer ekki lengi frá.



Lallana mun geta spilað síðar í mánuðinum ef allt gengur að óskum en eftir að hafa farið í skönnun vegna meiðsla í nára kom í ljós að meiðslin eru ekki alvarleg.

,,Þetta eru minniháttar meiðsli, sem er auðvitað ekki skemmtilegt þar sem ég hef verið í mjög góðu formi þar til nú. En þetta eru engu að síður jákvæðar fréttir og ég verð ekki lengi frá," sagði Lallana í viðtali við liverpoolfc.com.

,,Ég er ánægður með að ég mun geta spilað fyrir liðið í september og svo væntanlega aftur fyrir England í næsta landsleikjahléi. Ég veit að ég get lagt heilmikið af mörkum þar sem tímabilið er langt og ég einbeit mér að því - það er mikið af leikjum eftir."

,,Það eina sem skiptir máli er að ég geri mitt besta fyrir liðsfélagana, stjórann og stuðningsmenn félagsins."

Lallana óskaði um leið Gareth Southgate og Englandi góðs gengis í komandi verkefnum en Englendingar mæta Spánverjum í Þjóðadeildinni á Wembley á laugardaginn kemur og spila svo vináttuleik við Sviss á King Power leikvanginum í næstu viku.

,,Ég er mættur aftur á Melwood til að ganga úr skugga um að fjarvera mín frá vellinum sé eins stutt og hægt er, ég mun því styðja Gareth og strákana héðan."