Adam kominn meiddur heim

Adam Lallana er kominn meiddur heim til Liverpool. Hann var valinn í enska landsliðið en meiddist á nára. Ekki er vitað hversu lengi hann verður frá. 

Það á ekki af Adam að ganga en hann er búinn að vera að berjast við meiðsli síðasta árið. Hann lék aðeins 15 leiki á síðasta keppnistímabili  og var búinn að taka þátt í einum það sem af er þessu. 

Adam var kjörinn leikmaður ársins hjá enska landsliðinu fyrir árið 2016. Hann hefur leikið 34 landsleiki og skorað þrjú mörk.