| Grétar Magnússon

Harry Wilson lánaður

Hinn ungi og efnilegi Walesverji Harry Wilson hefur verið lánaður til Derby County og verður hann hjá þeim allt næsta tímabil.  Derby leika í næst efstu deild Englands.


Wilson, sem er 21 árs gamall, skrifaði nýlega undir langtímasamning við Liverpool og mörg lið á Englandi voru á höttunum eftir honum með lánssamning fyrir næsta tímabil í huga.  Nú hefur það semsagt verið ákveðið að Derby er næsti áfangastaður Wilson en Frank Lampard tók nýlega við sem stjóri félagsins og er það hans fyrsta starf sem knattspyrnustjóri.

Wilson var á láni hjá Hull City frá janúar og til loka tímabilsins í sömu deild og sló þar í gegn.  Skoraði sjö mörk í 13 leikjum sem dugði til þess að liðið kom sér uppúr fallbaráttu.

Wilson hefur komið við sögu í einum leik með aðalliði Liverpool og skoraði tvö mörk í 7-0 sigri á Chester City í upphafsleik undirbúningstímabilsins fyrr í sumar.

Deildarkeppnin í næst efstu deild hefst þann 3. ágúst næstkomandi og spennandi verður að fylgjast með Wilson í vetur.


TIL BAKA
Nýlegar fréttir
Fleiri fréttir
Fréttageymslan