Firmino með nýjan samning

Þær gleðifregnir bárust í dag að Brasilíumaðurinn Roberto Firmino hefur skrifað undir nýjan langtíma samning við Liverpool FC.


Firmino brosti sínu breiðasta eins og sjá má á meðfylgjandi mynd og sagði af þessu tilefni:  ,,Þetta var auðveld ákvörðun.  Félagið hefur tekið á móti mér á ótrúlegan hátt og hér hef ég vaxið sem leikmaður með stuðningi alls liðsins.  Ég er mjög, mjög ánægður hér."

,,Allt passar á sem bestan máta.  Liðsfélagar mínir eru stórkostlegir og ég er mjög þakklátur fyrir að geta spilað með þeim hjá þessu félagi.  Ég elska að spila fyrir Liverpool FC.  Stuðningsmennirnir eru frábærir og styðja liðið á stórkostlegan hátt alla leið.  Þeir styðja okkur í leikjum og það sem þeir gera fyrir leikina er fallegt."

Firmino kom til félagsin frá þýska félaginu Hoffenheim sumarið 2015 og hefur síðan þá spilað 140 leiki fyrir Liverpool og skorað 50 mörk.  Hann er að eiga sitt besta tímabil á ferlinum til þessa en hingað til hefur hann skorað 27 mörk í öllum keppnum en alls eru leikirnir á tímabilinu orðnir 50 talsins.