| Sf. Gutt

Verðum að klára verkefnið


Jordan Henderson, fyrirliði Liverpool, segir að Liverpool verði að klára verkefnið í Róm í næstu viku. Nestið, eftir 5:2 sigur á Anfield Road, er býsna gott en ekkert má út af bera.

,,Ég held að við séum augljóslega vonsviknir með að fá á okkur þessi tvö mörk. Okkur fannst við hafa öll völd á vellinum en síðan gáfum við þeim tvö mörk. Það má eiginlega ekki gera það í Meistaradeildinni. En á sama tíma spiluðum við vel, unnum leikinn og förum þangað með þriggja marka forystu."

Nú benda margir á að Roma hafi unnið Barcelona 3:0 á Olympíuleikvanginum og komist þannig áfram í undanúrslit. Það er einmitt sá munur sem Roma þarf til að slá Liverpool út í næstu viku.


,,Þetta verður erfitt því eins og sást í síðustu umferð þegar þeir komu til baka á móti Barcelona, sem eru með eitt besta lið í heimi, og tókst að slá þá út þá bíður okkur virkilega erfitt verkefni. En við hljótum að hafa fengið sjálfstraust á því að hafa spilað svona frábærlega. Við þurfum að fara þangað og spila traustan leik sem kemur okkur vonandi í úrslitaleikinn. Ég hef líka trú á að við getum skorað þarna með þá framherja sem við höfum í okkar röðum. Þetta er áskorun en við verðum að hlakka til hennar og vonandi getum við lokið verkefni okkar!"

Ljóst er að verkefni Liverpool í Róm verður erfitt en ef Liverpool á að geta unnið Evrópubikarinn þarf að komast yfir allar hindranir sem á vegi verða!



TIL BAKA
Nýlegar fréttir
Fleiri fréttir
Fréttageymslan