Harry gerði nýjan samning

Harry Wilson var lánaður til Hull City á síðasta degi sem  opið var fyrir félagaskipti. Hann skrifaði þó undir nýjan samning við Liverpool áður en hann fór. 

Harry er búinn að vera yfirburðamaður í varaliði Liverpool síðustu tvær leiktíðir verið fyrirliði liðsins, raðað inn mörkum auk þess að leggja upp þó nokkuð mörg líka.  Fregnir hafa verið um það í vetur að hann hafi ekki viljað skrifa undir nýjan samning en nú er hann búinn að gera það. Hugsanlega lét hann til leiðast að gera nýjan samning fyrst hann fékk að fara í lán. 


Harry var á sínum tíma yngsti leikmaður til að spila fyrir Wales og hann þykir mikið efni. Það á þó eftir að koma í ljós hvort hann á eftir að komast í aðalliðið. Hann lék sinn eina leik hingað til með aðalliðinu á síðustu leiktíð.