Mané meiddur

Það gat nú ekki liðið heilt landsleikjahlé án þess að einhver leikmaður Liverpool myndi meiðast.  Sadio Mané er meiddur aftan í læri og verður frá í einhverjar vikur.

Honum var skipt af velli á 89. mínútu þegar Senegal unnu Grænhöfðaeyjar 2-0 á laugardaginn var og eftir leik voru meiðslin svo staðfest.  Þetta þýðir að hann gæti verið frá í allt að sex vikur sem er auðvitað gríðarlega slæmt þar sem margir mikilvægir leikir eru á þeim tíma.

Mané hefur nú þegar misst úr þrjá leiki vegna leikbanns en engu að síður hefur hann skorað þrjú mörk í fjórum leikjum það sem af er tímabili.