| Sf. Gutt

Allt fyrirgefið


Mikið var gert úr því þegar Sadio Mané og Ederson markmaður Manchester City lentu í árekstri í leik Liverpool og Manchester City. Hægri fótur Sadio lenti í andliti Ederson sem lá eftir. Sadio fékk rautt spjald og leikbann. Senegalinn var miður sín á eftir en Ederson fyrirgaf allt og sagði atvikið einfaldlega eitt af því sem gæti gerst inni á knattspyrnuvellinum. 

,,Hann sendi mér skilaboð. Ég sagði honum að vera alveg rólegur því svona gæti gerst. Ég sagði honum að hafa engar áhyggjur og óskaði honum góðs gengis á keppnistímabilinu."


Allt er því fyrirgefið milli þeirra félaga enda um óviljaverk að ræða. Fjölmiðlamenn geta þess vegna ekki gert sér lengur mat úr þessu atviki en mikið var fjallað um það í kjölfarið á að það átti sér stað. 

TIL BAKA
Nýlegar fréttir
Fleiri fréttir
Fréttageymslan