Áfall fyrir Sheyi Ojo

Sheyi Ojo varð fyrir áfalli um helgina þegar hann meiddist illa á öxl í leik með Fulham. Hann gæti orðið frá keppni í tvo mánuði. 

Sheyi hefur verið mjög óheppinn með meiðsli síðasta árið eða svo. Hann fór í lán til Fulham fyrir leiktíðina með þá von að komas sér vel í gang á nýjan leik en hann stóð sig vel í þeim leikjum sem hann spilaði með Liverpool á leiktíðinni 2015/16. Nú er komið bakslag í þær ráðagerðir en Sheyi nær sér vonandi á strik eftir meiðslin. 

Sheyi hefur spilað 13 leiki með Liverpool og skorað eitt mark. Hann hefur spilað með öllum yngri landsliðum Englands upp í undir 21. árs liðið. Sheyi varð heimsmeistari með undir 20 ára liði Englands í sumar.