| Grétar Magnússon

Woodburn hlýtur verðlaun

Ben Woodburn var á mánudagskvöldið valinn besti ungi leikmaður ársins í Wales.

Atkvæðagreiðslan var þannig að almenningur í Wales kaus í valinu og það kemur nú fáum á óvart að Woodburn skyldi vera valinn að þessu sinni.  Hann stóð sig gríðarlega vel með landsliðinu í síðasta landsleikjahléi þar sem hann skoraði sigurmarkið í leik gegn Austurríki og nokkrum dögum síðar lagði hann upp mark í 2-0 sigri á Moldavíu.

,,Tilfinningin er frábær," sagði Woodburn þegar hann tók við verðlaununum.  ,,Verðlaunin eru stór og það eru margir gríðarlega góðir leikmenn sem hafa unnið þau í gegnum tíðina."

Sama kvöld fékk svo Ian Rush sérstök verðlaun fyrir þjónustu sína við knattspyrnu í Wales í gegnum árin.  Hann er enn markahæsti leikmaður í sögu landsins en hann skoraði 28 mörk í 73 leikjum á árunum 1980 til 1996.


TIL BAKA
Nýlegar fréttir
Fleiri fréttir
Fréttageymslan