| Sf. Gutt

Joel má spila á nýjan leik

Joel Matip má fara að spila með Liverpool á nýjan leik. Óvissa hefur ríkt um hvort hann væri löglegur. Joel hefur verið meiddur síðustu vikur en eftir að hann náði sér af meiðslunum lögðu forráðamenn Liverpool ekki í að láta hann spila.

Ástæðan var sú, ef rétt er skilið, að forráðamenn Kamerún töldu að hann mætti ekki spila með félagsliði sínu fyrst hann gaf ekki kost á sér í landsliðið fyrir Afríkukeppnina. Alþjóðaknattspyrnusambandið dró lappirnar í að úrskurða af eða á og þetta átti við um fleiri leikmenn sem voru í sömu stöðu og Joel. Óvissa er búin að ríkja í viku eða svo en núna er loksins búið að gefa Joel grænt ljós á að spila. 

Joel Matip er því leikfær á nýjan leik og má búast við því að hann komi fljótlega inn í liðshóp Liverpool. 


TIL BAKA
Nýlegar fréttir
Fleiri fréttir
Fréttageymslan