| Sf. Gutt

Georginio Wijnaldum meiddur á mjöðm


Hollendingurinn Georginio Wijnaldum fór meiddur af velli í landsleik í vikunni. Nú er komið í ljós að hann er meiddur á mjöðm. Fyrst var talið að hann hefði tognað aftan í læri. Georginio er nú í umsjá læknaliðs Liverpool. Ekki er víst að hann verði tiltækur þegar Liverpool mætir Manchester United á mánudagskvöldið en þó ekki útilokað.


Georginio hefur ekki alveg staðið undir væntingum, að margra mati, eftir hann kom frá Newcastle United í sumar. Hann hefur þó verið fastamaður í liðinu og verið vaxandi og vonandi jafnar hann sig sem fyrst. 

Þeir Nathaniel Clyne og Dejan Lovren eru farnir að æfa eftir meiðsli en báðir fengu frí í landsleikjahrotunni. Þeir gætu verið til taks í næsta leik. Ólíklegt er talið að Adam Lallana verði búinn að jafna sig en hann tognaði í nára á móti Swansea City í síðasta leik fyrir landsleikjahlé. 

TIL BAKA
Nýlegar fréttir
Fleiri fréttir
Fréttageymslan