| Sf. Gutt

Danny Ward kallaður heim


Markmaðurinn Danny Ward hefur verið kallaður heim til Liverpool úr láni hjá Aberdeen. Líklega telur Jürgen Klopp að það þurfi að auka samkeppni markmannanna hjá félaginu. Danny, sem hefur verið valinn nokkrum sinnum í landslið Wales, hefur þótt spila geysilega vel með Aberdeen sem er meðal efstu liða í Skotlandi. Hermt er að hans verði sárt saknað í Aberdeen.


Simon Mignolet verður auðvitað aðalmarkmaður áfram og hefur staðið sig þokkalega en Adam Bogdan hefur ekki staðið undir væntingum. Ungverjinn kom Liverpool reyndar áfram í Deildarbikarnum þegar það rétt hafðist að slá Carlisle út í vítaspyrnukeppni í haust. En hann gerði slæm mistök á móti Watford í desember og ekki batnaði það þegar hann hann fékk á sig mark úr hornspyrnu á móti Exeter á föstudagskvöldið. Það verður gaman að sjá hvort Danny fær einhver tækifæri þegar Simon verður næst hvíldur. 

TIL BAKA
Nýlegar fréttir
Fleiri fréttir
Fréttageymslan