Enn meiðist Daniel Sturridge!

Daniel Sturridge hefur verið á batavegi síðustu vikur og var á varamannabekknum á móti Manchester City um helgina. Í gær kom enn eitt bakslagið en þá meiddist hann á fæti eftir því sem hermt er og var í kjölfarið sendur í myndatöku á spítala. 

Reiknað var með að Daniel kæmi við sögu á móti Bordeaux en ekkert varð af því.  Jürgen Klopp sagði í gærkvöldi að fréttir af meiðslunum hefðu komið stuttu fyrir leik og hann vissi ekkert ennþá um stöðu mála.

Ljóst er að séu þessi meiðsli alvarleg þá er þetta gífurlegt áfall fyrir Daniel og liðshópinn en vonir höfðu verið bundnar við að stutt væri orðið í endurkomu hans. En það virðist allt vera á sömu bókina lært hvað Daniel Sturridge og meiðsli varðar þessi misserin!