| Sf. Gutt

Adam fyrstur til að tjá sig!

Adam Lallana var í dag fyrsti leikmaður Liverpool til tjá sig um hvernig honum litist á nýja framkvæmdastjórann. Honum segist vera spenntur að byrja að vinna með Jürgen Klopp.

,,Ég er spenntur og reyndar mjög spenntur að byrja að vinna með nýja framkvæmdastjóranum. Ég horfði á blaðamannafundinn. Margt jákvætt kom fram þar og viðbrögð þeirra sem þar voru og annarra endurspegluðu jákvænina. Ég tel að þetta verði allt spennandi."

,,Ég á auðvitað eftir að spila einn leik með enska landsliðinu og ég er með fulla einbeitingu á þeim leik. En ég hlakka til að koma til félagsins eftir leikinn."

Brendan Rodgers keypti Adam frá Southampton í fyrra. Adam sér á vissan hátt eftir Brendan. 

,,Það eru auðvitað vonbrigði að sjá á eftir Brendan og eins er svekkjandi að liðið hafi ekki byrjað leiktíðina betur. En það eru alltaf einhverjar breytingar í gangi í knattspyrnunni."

Nú er að sjá hvort Adam Lallana á upp á pallborðið hjá Jürgen. Líklega verða margir leikmenn býsna óöryggir með sig í byrjun því ekki hafa þeir leikið það vel það sem af er keppnistímabilsins. En nú byrja allir með hreint borð!

TIL BAKA
Nýlegar fréttir
Fleiri fréttir
Fréttageymslan