Enn eru þrír meiddir

Ekki er búist við því að Jordan Henderson og Adam Lallana verði leikfærir þegar Liverpool mætir Manchester United á Old Tarfford. Báðir voru í byrjunarliðinu í fyrstu tveimur leikjum Liverpool á leiktíðinni en gátu ekki spilað á móti Arsenal og ekki heldur í síðasta leik gegn West Ham.

Þeir félagar fengu gott frí í landsleikjahléinu og hafa því fengið góðan tíma til að jafna sig en það hefur tekið sinn tíma að jafna sig. Joe Allen er á batavegi eftir að hafa meiðst í síðasta æfingaleiknum fyrir leiktíðina. Hann kemur ekki til álita í liðið að sinni. 

Vonandi standa þeir leikmenn Liverpool sem verða valdir í liðið sig í dag. Það er mjög mikilvægt að rétta úr kútnum eftir skipbrotið gegn West Ham. United tapaði líka sínum síðasta leik og Liverpool á að herja á heimamenn sem einnig eru sárir eftir tap í síðustu umferð.