James Milner nýr varafyrirliði

Brendan Rodgers staðfesti rétt áðan á blaðamannafundi fyrir fyrsta leik tímabilsins að James Milner væri nýr varafyrirliði liðsins.

Þetta er eitthvað sem margir bjuggust við en þó hafði nafn Martin Skrtel oft komið upp í umræðunni, sérstaklega vegna þess að hann hefur verið lengi hjá félaginu en Milner ekki.

Rodgers hafði þetta að segja um Milner: ,,Hann er óþreytandi." Sagði Rodgers þegar hann útskýrði fyrir fréttamönnum að Milner mætir á æfingasvæðið tveim tímum áður en æfingin hefst.

,,James er leikmaður sem ég hef dáðst að lengi. Hann gefur allt í leikinn. Hann er líka stór karakter."

Rodgers sagði að Milner væri fullkominn varafyrirliði fyrir Jordan Henderson sem tók við armbandinu eftir að Steven Gerrard fór frá félaginu í vor.

Að lokum má geta þess að Rodgers sagði hver staðan á Joe Allen væri en hann meiddist snemma leiks gegn Swindon á sunnudaginn var. Meiðslin munu halda Allen frá keppni í þrjár til fjórar vikur.