Allt það helsta um John Barnes

John Barnes verður heiðursgestur á árshátíð Liverpool klúbbsins árið 2015. Hér er allt það helsta um einn þann besta sem hefur spilað með Liverpool. 

Nafn: John Charles Bryan Barnes.

Fæðingardagur: 7. nóvember 1963.

Fæðingarstaður: Kingston í Jamaíka.


Félög: Sudbury Court, Watford (1981 til 1987), Liverpool (1987 til 1997), Newcastle United (1997 til 1999) og Charlton Athletic (1999).

Leikir með Liverpool: 407.

Mörk með Liverpool: 108.

Titlar með Liverpool: Englandsmeistari 1988 og 1990. F.A. bikarmeistari 1989. Deildarbikarmeistari 1995.

Skjaldarhafi: 1988, 1989 og 1990. 

Landsleikir með Englandi: 79.

Landsliðsmörk: 11. 

Undir 21. árs landsleikir: 3.

Knattspyrnumaður ársins kjörinn af blaðamönnum: 1988 og 1990. 

Knattspyrnumaður ársins kjörinn af leikmönnum: 1988. 


Framkvæmdastjóraferill: Glasgow Celtic (1999 til 2000), Jamaíka (2008 til 2009) og Tranmere Rovers (2009).

Titill sem framkvæmdastjóri: Jamaíka vann Karabíahafstitilinn árið 2008.


- John fæddist á Jamaíka en fluttist 12 ára til Englands með fjölskyldu sinni.  

- John var í liði Watford þegar liðið komst fyrst upp í efstu deild vorið 1982.

- John var annar í röð blökkumanna til að spila með Liverpool á eftir Howard Gayle.

- John tapaði í úrslitum í F.A. bikarnum með þremur félögum. Fyrst Watford, svo tvívegis með Liverpool og loks Newcastle United. Hann var aðeins einu sinni í sigurliði í fimm úrslitaleikjum.

- John hefur tvívegis stjórnað félagsliðum sem framkvæmdastjóri. Fyrst hjá Celtic og svo hjá Tranmere. Hann var í bæði skiptin látinn hætta áður en fyrstu leiktíð lauk.

- Kenny Dalglish tók við af John hjá Celtic sem vann skoska Deilarbikarinn seinna á leiktíðinni 1999/2000. John var vikið úr starfi áður en kom að úrslitaleiknum.

- John fékk MBE orðuna frá Elísabetu Bretadrottningu fyrir framlag sitt til knattspyrnunnar árið 1998.

- John hefur fengist við tónlist og sungið inn á plötur. Fyrst með félögum sínum í Liverpool þegar hann var leikmaður þar og eins með hljómsveitinni New Order en lagið World in Motion komst í efsta sæti breska vinsældarlistans. John þykir snjall rappari.


- Kappinn tók þátt í dansþættinum Strictly Come Dancing í BBC og þótti standa sig mjög vel. 

- Nú til dags kemur John fram í fjölmiðlum sem sparkspekingur. Hann vinnur að mörgum góðgerðarmálum og eins tekur hann þátt í að berjast gegn kynþáttafordómum. Af og til kemur hann fram fyrir hönd Liverpool Football Club sem sendiherra. 




,,Ef þú ert góður leikmaður þá ertu samþykktur hjá Liverpool!"