Afmælishóf á Spot í kvöld

Í dag eru 20 ár liðin síðan Liverpoolklúbburinn á Íslandi var stofnaður í Ölveri í Glæsibæ.

Af því tilefni verður haldið stutt afmælishóf á Spot kl. 19:15. Þar verður afmæliskaka í boði meðan birgðir endast. Síðan verður horft á leik Liverpool og Sunderland sem hefst kl. 20.

Vonum að sem flestir mæti og samgleðjist klúbbnum á þessum tímamótum.

Þá kemur afmælisblað Liverpoolklúbbsins einnig út í dag, á rafrænu formi. Það verður komið inn á vefinn í kvöld.